തിരുവനന്തപുരം: നഗരസഭയുടെ നേതൃത്വത്തിൽ സംഘടിപ്പിക്കുന്ന ഒന്നാമത് വെറ്ററൻസ്-മാസ്റ്റേഴ്സ് സ്പോർട്സ് ആർട്സ് ഫെസ്റ്റ് (അനന്തപുരി മാസ്റ്റേഴ്സ് ഫെസ്റ്റ്) ഉദ്ഘാടനം ഞായറാഴ്ച രാവിലെ ഒമ്പതിന് ചന്ദ്രശേഖരൻ നായർ സ്റ്റേഡിയത്തിൽ മേയർ വി.കെ. പ്രശാന്ത് നിർവഹിക്കും. ശനിയാഴ്ച നിശ്ചയിച്ചിരുന്ന ഉദ്ഘാടനമാണ് ഹർത്താലിനെ തുടർന്ന് മാറ്റിയത്. ഷട്ടിൽ മത്സരങ്ങൾ ജിമ്മി ജോർജ് ഇൻഡോർ സ്റ്റേഡിയത്തിലും ക്രിക്കറ്റ്, ഫുട്ബാൾ, വോളിബാൾ, ഹാൻഡ് ബാൾ എന്നിവ 19, 20 തീയതികളിൽ സെൻട്രൽ സ്റ്റേഡിയത്തിലും അത്ലറ്റിക്സ് മത്സരങ്ങൾ ഞായറാഴ്ച ചന്ദ്രശേഖരൻ നായർ സ്റ്റേഡിയത്തിലും നടക്കും. കലാമത്സരങ്ങൾ നവംബർ 20ന് കോട്ടൺഹിൽ ഗേൾസ് ഹയർ സെക്കൻഡറി സ്കൂളിൽ നടക്കും. വിവിധ മത്സരയിനങ്ങളിലേക്ക് 500 ഓളം പേർ രജിസ്റ്റർ ചെയ്തിട്ടുണ്ട്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.