തിരുവനന്തപുരം: വൈദ്യുതി ഉപഭോക്താക്കൾക്ക് കണക്ടഡ് ലോഡ് ക്രമപ്പെടുത്താനും പേരിലും മേൽവിലാസത്തിലും വന്ന പിശകുകള്‍ തിരുത്താനും അവസരം. കണക്ടഡ് ലോഡ് ക്രമാനുസൃതമാക്കുന്നതിനായി അപേക്ഷാഫീസോ, ടെസ്റ്റിങ് ഫീസോ നൽകേണ്ടതില്ല. അധിക സെക്യൂരിറ്റി ഡിപ്പോസിറ്റും ഈടാക്കില്ല. ഈ സൗകര്യം ജനുവരി 31 വരെ ലഭിക്കും. കണക്ടഡ് ലോഡ് ക്രമപ്പെടുത്തുന്നതുമൂലം വോൾേട്ടജ് ഉയർന്ന തലത്തിലേക്ക് മാറുകയും വിതരണ ശൃംഖല ശക്തിപ്പെടുത്തേണ്ടിവരുകയും ചെയ്താല്‍ അതിനുള്ള ചെലവ് ഉപഭോക്താവ് വഹിക്കേണ്ടിവരും. ഉപഭോക്താവിെൻറ പേരിലോ മേൽവിലാസത്തിലോ തിരുത്തലിന് വെള്ള പേപ്പറില്‍ അപേക്ഷയും അതുമായി ബന്ധപ്പെട്ട പ്രസ്താവനയും നൽകിയാൽ മതിയാകും.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.