കുളത്തൂപ്പുഴ: ഓട്ടോറിക്ഷയും ബൈക്കും കൂട്ടിയിടിച്ച് വിദ്യാർഥികൾക്കും കെ.എസ്.ആർ.ടി.സി ജീവനക്കാരനും പരിക്കേറ്റു. കെ.എസ്.ആർ.ടി.സി കുളത്തൂപ്പുഴ ഡിപ്പോയിലെ ടിക്കറ്റ് ആൻഡ് കാഷ് വിഭാഗം ജീവനക്കാരൻ അഞ്ചൽ അഗസ്ത്യക്കോട് സ്വദേശി സുകേശ് (35), കുളത്തൂപ്പുഴ ചന്ദനക്കാവ് ബി.എം.ജി ഹൈസ്കൂളിലെ രണ്ട് വിദ്യാർഥിനികൾ എന്നിവർക്കാണ് പരിക്കേറ്റത്. കഴിഞ്ഞ ദിവസം രാവിലെ വലിയേല ജങ്ഷനിലായിരുന്നു അപകടം. രാവിലെ ഡ്യൂട്ടിക്കായി ഡിപ്പോയിലേക്ക് വരുകയായിരുന്ന സുകേശിെൻറ ബൈക്കിൽ കുളത്തൂപ്പുഴയിൽനിന്ന് കുട്ടികളുമായി സ്കൂളിലേക്ക് പോവുകയായിരുന്ന ഓട്ടോ റോഡുവക്കിലുള്ള കുഴിയിൽ വീഴാതിരിക്കാൻ വെട്ടിച്ചപ്പോൾ ഇടിക്കുകയായിരുന്നു. പരിക്കേറ്റവരെ കുളത്തൂപ്പുഴയിലെ സ്വകാര്യആശുപത്രിയിൽ പ്രവേശിപ്പിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.