തിരുവനന്തപുരം: ചൊവ്വാഴ്ച ഉച്ചക്ക് നാല് മണി മുതൽ കിഴക്കേകോട്ട, പഴവങ്ങാടി, ഒാവർബ്രിഡ്ജ്, ആയുർവേദ കോളജ്, സ്റ്റാച്യു, സ്പെൻസർ, വി.ജെ.ടി, രക്തസാക്ഷി മണ്ഡപം, ജി.വി. രാജ, പി.എം.ജി വരെയുള്ള റോഡിലും ആശാൻ സ്ക്വയർ, ജനറൽ ആശുപത്രി, പാറ്റൂർ, പേട്ട, ചാക്ക, ഒാൾസെയിൻറ്സ്, ശംഖുംമുഖം, വലിയതുറ വരെയുള്ള റോഡിലും ഗതാഗതനിയന്ത്രണവും പാർക്കിങ് നിയന്ത്രണവും ഏർപ്പെടുത്തി. കിഴക്കേകോട്ട-ഒാവർ ബ്രിഡ്ജ്-ആയുർവേദ കോളജ്-വി.ജെ.ടി-ആശാൻ സ്ക്വയർ-ജനറൽ ഹോസ്പിറ്റൽ-പേട്ട-ചാക്ക റോഡിലും എയർപോർട്ട്-ചാക്ക-ഇൗഞ്ചക്കൽ റോഡിലും, ചാക്ക-കഴക്കൂട്ടം ബൈപാസ് റോഡിലും വാഹനങ്ങൾ പാർക്ക് ചെയ്യാൻ പാടില്ല. ഡൊമസ്റ്റിക് എയർപോർട്ടിലേക്ക് പോകേണ്ട വാഹനങ്ങൾ ഒാൾസെയിൻറ്സ്-ശംഖുംമുഖം റൂട്ട് ഒഴിവാക്കി, ഇൗഞ്ചക്കൽ-കല്ലുംമൂട്-വലിയതുറ വഴി പോകണം. ഘോഷയാത്ര കഴിഞ്ഞ് ആറ്റിങ്ങൽ, വർക്കല, കിളിമാനൂർ ഭാഗത്തേക്ക് പോകേണ്ട വാഹനങ്ങൾ വേളി, തുമ്പ, മേനംകുളം, പെരുമാതുറ, പെരുമാതുറ പുതിയ പാലം (തീരദേശ പാത) വഴിയോ, തുമ്പ, കഴക്കൂട്ടം ദേശീയപാത വഴിയോ വടക്കുഭാഗത്തേക്ക് പോകണം. തെക്കുഭാഗത്തേക്ക് പോകേണ്ട വാഹനങ്ങൾ വലിയതുറ-ബീമാപള്ളി-പൂന്തുറ വഴി പോകണം. വട്ടിയൂർക്കാവ്, മലയിൻകീഴ്, കാട്ടാക്കട, പേരൂർക്കട, നെടുമങ്ങാട് ഭാഗങ്ങളിലേക്ക് പോകേണ്ട വാഹനങ്ങൾ ചാക്ക-പേട്ട-പാളയം വഴി പോകണം.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.