പാറശ്ശാല: പെട്രോൾ വില വർധനക്കെതിരെ കോൺഗ്രസ് ആഹ്വാനം ചെയ്ത ഹർത്താൽ ജനജീവിതം സ്തംഭിപ്പിച്ചു. കടകമ്പോളങ്ങൾ ഒന്നും തുറന്നില്ല. സർക്കാർ സ്ഥാപനങ്ങൾ പ്രവർത്തിച്ചില്ല. കെ.എസ്.ആർ.ടി.സി ഒറ്റ സർവിസ് പോലും നടത്തിയില്ല. പാറശ്ശാല പരശുവയ്ക്കൽ, ഉദിയൻകുളങ്ങര തുടങ്ങിയ സ്ഥലങ്ങളിൽ കോൺഗ്രസ് പ്രവർത്തകർ പ്രകടനം നടത്തി. ഉദിയൻകുളങ്ങരയിലും പാറശ്ശാലയിലും പരശുവയ്ക്കലും പ്രവർത്തകർ സ്വകാര്യവാഹനങ്ങൾ തടഞ്ഞു. അനിഷ്ടസംഭവങ്ങൾ ഒന്നും റിപ്പോർട്ട് ചെയ്തിട്ടില്ല. അതിർത്തി പ്രദേശമായ കളിയിക്കാവിളയിൽ കടകൾ അടഞ്ഞു കിടന്നു. തമിഴ്നാട് ട്രാൻസ്പോർട്ട് ബസുകൾ പൊലീസ് അകമ്പടിയോടെ മണിക്കൂറുകൾ ഇടവിട്ട് സർവിസ് നടത്തി.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.