കരുനാഗപ്പള്ളി: രണ്ട് കിലോ കഞ്ചാവുമായി നിരവധി കേസുകളിലെ പ്രതി അറസ്റ്റിൽ. കൃഷ്ണപുരം ഞക്കനാൽ സ്വദേശി 'ഗുണ്ട ഷിബു' എന്ന ഷിബുവിനെയാണ് (24) കരുനാഗപ്പള്ളി എക്സൈസ് റേഞ്ച് ഇൻസ്പെക്ടർ ജോസ് പ്രതാപിെൻറ നേതൃത്വത്തിൽ അറസ്റ്റ് ചെയ്തത്. ഒരാഴ്ചയായി എക്സൈസ് ഷാഡോ ടീമംഗങ്ങൾ ഓച്ചിറ കല്ലൂർമുക്ക്, ചങ്ങൻകുളങ്ങര, കൃഷ്ണപുരം തുടങ്ങിയ പ്രദേശങ്ങളിൽ നടത്തിയ നിരീക്ഷണത്തിനൊടുവിലാണ് അറസ്റ്റ്. ഷിബു കഞ്ചാവ് നൽകിവന്നിരുന്ന ചിലരെ കണ്ടെത്തി അവരെകൊണ്ട് കഞ്ചാവ് ആവശ്യമുണ്ടെന്ന വ്യാജേന ഫോണിൽ ബന്ധെപ്പട്ട് വിളിച്ചുവരുത്തുകയായിരുന്നു. എന്നാൽ, ചങ്ങൻകുളങ്ങര റെയിൽവേ ഗേറ്റിന് സമീപം െവച്ച് ഇയാൾ ഷാഡോ എക്സൈസിനെ കണ്ട് കഞ്ചാവ് ഉപേക്ഷിച്ച് ഓടി രക്ഷപ്പെട്ടു. തുടർന്ന് കായംകുളത്തെ ബാറിന് സമീപത്തുനിന്നാണ് അറസ്റ്റ് ചെയ്തത്. ദിണ്ടിഗലിൽനിന്ന് കഞ്ചാവ് കൊണ്ടുവന്ന് ആലപ്പുഴ, കൊല്ലം ഭാഗങ്ങളിൽ ചെറുകിട കച്ചവടക്കാർക്ക് നൽകുകയായിരുന്നു പതിവ്. പ്രവൻറിവ് ഓഫിസർമാരായ അൻവർ, ഹരികൃഷ്ണൻ, എക്സൈസ് സിവിൽ ഓഫിസർമാരായ വിജ്യ, എസ്. ശ്യാംകുമാർ, സജീവ് കുമാർ, വി. ശ്യാംകുമാർ തോമസ്, ഡ്രൈവർ രാജു എന്നിവരും അന്വേഷണ സംഘത്തിലുണ്ടായിരുന്നു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.