കൊട്ടാരക്കര: സ്വര്ണം വാങ്ങാനെന്ന വ്യാജേന ജ്വല്ലറിയിലെത്തി സെയില്സ്മാെൻറ കണ്ണുവെട്ടിച്ച് സ്വര്ണവുമായി കടന്ന യുവതിയെ കൊട്ടാരക്കര പൊലീസ് അറസ്റ്റ് ചെയ്തു. കൊട്ടാരക്കര നീലേശ്വരം മുക്കോണിമുക്ക് രാധാ മന്ദിരത്തില് വാടകക്ക് താമസിക്കുന്ന ചിറ്റാര് സീതത്തോട് മൂന്നക്കല്ല് വലിയ വീട്ടില് സുമി(28)യെയാണ് അറസ്റ്റ് ചെയ്തത്. പ്രമുഖ ജ്വല്ലറിയുടെ കൊട്ടാരക്കര ബ്രാഞ്ചിലാണ് സംഭവം. അരപവൻ സ്വര്ണാഭരണമാണ് കവർന്നത്. ജ്വല്ലറി മാനേജ്മെൻറ് കൊട്ടാരക്കര പൊലീസില് നല്കിയ പരാതിയുടെ അടിസ്ഥാനത്തില് സി.സി.ടി.വി ദൃശ്യങ്ങള് പരിശോധിച്ചതില്നിന്നാണ് പ്രതി പിടിയിലാകുന്നത്. കൊട്ടാരക്കരയിലെ തന്നെ മറ്റൊരു ജ്വല്ലറിയിലും പ്രതി മാസങ്ങള്ക്ക് മുമ്പ് സമാനമായ രീതിയില് മോഷണം നടത്തിയിരുന്നു. ജ്വല്ലറിയുടമ കൊട്ടാരക്കര പൊലീസില് പരാതിയും നല്കിയിരുന്നു. എന്നാല്, പിന്നീട് ജ്വല്ലറിയുടമ കേസ് പിന്വലിച്ചിരുന്നു. അന്ന് മോഷണം നടത്തിയ സ്വര്ണാഭരണം തിരികെനല്കി ഒത്തുതീര്പ്പാക്കുകയായിരുന്നു. അറസ്റ്റിലായ പ്രതിയെ ശനിയാഴ്ച റിമാന്ഡ് ചെയ്യുമെന്ന് എസ്.ഐ സി.കെ. മനോജ് പറഞ്ഞു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.