കഴക്കൂട്ടം: ബൈക്കിന് സൈഡ് കൊടുത്തില്ലെന്നും ഓവര്ടേക്ക് ചെയ്തെന്നും ആരോപിച്ച് കാര് തടഞ്ഞുനിര്ത്തി യാത്രക്കാരായ കുടുംബത്തെ അസഭ്യം പറയുകയും മര്ദിക്കാന് ശ്രമിക്കുകയും ചെയ്ത രണ്ടു യുവാക്കളെ നാട്ടുകാര് പിടികൂടി കഴക്കൂട്ടം പൊലീസില് ഏല്പിച്ചു. രാത്രി എട്ടുമണിയോടെ മേനംകുളം സമാധിക്ഷേത്രത്തിനു സമീപമായിരുന്നു സംഭവം. യുവാക്കള് കാറിനു മുന്നില് ബൈക്ക് നിര്ത്തി അസഭ്യം പറയുകയും സ്ത്രീയെ പിടിച്ചിറക്കി മര്ദിക്കാന് ശ്രമിക്കുകയും ചെയ്തു. ബഹളംകേട്ട് ഓടിക്കൂടിയ നാട്ടുകാര് സെൻറ് ആന്ഡ്രൂസ് സ്വദേശിയായ രണ്ടു യുവാക്കളെയും പിടികൂടി പൊലീസിന് കൈമാറുകയായിരുന്നു. കാറിലുണ്ടായിരുന്നവര് പരാതി നല്കിയിട്ടില്ലെന്ന് പൊലീസ് പറഞ്ഞു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.