തിരുവനന്തപുരം: നാഷനൽ സർവിസ് സ്കീം ടെക്നിക്കൽ സെല്ലിെൻറ പുനർജനി അവാർഡ് കാര്യവട്ടം യൂനിവേഴ്സിറ്റി എൻജിനീയറിങ് കോളജിന് ലഭിച്ചു. സാേങ്കതിക സർവകലാശാല പി.വി.സി ഡോ. എം. അബ്ദുറഹ്മാൻ പുരസ്കാരം സമ്മാനിച്ചു. കോളജിനുള്ള അവാർഡ് പ്രിൻസിപ്പൽ ഡോ. സെഡ് എ. സമിതയും എൻ.എസ്.എസ് യൂനിറ്റിനുള്ള അവാർഡ് പ്രോഗ്രാം ഒാഫിസർമാരായ മനു വി. കുമാർ, മെഹറുന്നിസ നസീം എന്നിവരും ഏറ്റുവാങ്ങി. സർക്കാർ ആശുപത്രികളിലെ അടിസ്ഥാന സൗകര്യങ്ങൾ മെച്ചപ്പെടുത്തുന്ന പദ്ധതിയാണ് പുനർജനി. കഴിഞ്ഞ ഒാണക്കാലത്ത് പുലയനാർകോട്ട ചെസ്റ്റ് ഡിസീസ് ആശുപത്രിയിലും എസ്.എ.ടി അമ്മയും കുഞ്ഞും ആശുപത്രിലും 40 ലക്ഷം രൂപയുടെ ആസ്തികൾ നിർമിച്ചുനൽകിയതിനാണ് പുരസ്കാരം. ഹരിതകേരളം മിഷൻ വൈസ് ചെയർപേഴ്സൺ ഡോ. ടി.എൻ. സീമ, സാേങ്കതിക വിദ്യാഭ്യാസ ഡയറക്ടർ ഡോ. കെ.പി. ഇന്ദിരാദേവി, എ.െഎ.സി.ടി.ഇ ഡയറക്ടർ േഡാ. രമേഷ് ഉണ്ണികൃഷ്ണൻ എന്നിവർ സംസാരിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.