കൊല്ലം: മയ്യനാട് വെള്ളമണൽ സ്കൂളിെൻറ പരിസരത്ത് വിദ്യാർഥികൾക്കും യുവാക്കൾക്കും കഞ്ചാവ് വിറ്റയാൾ പടിയിൽ. മയ്യനാട് മണലിൽ കിഴക്കതിൽ വീട്ടിൽ അനുവിനെയാണ്(21) 100 പൊതി കഞ്ചാവുമായി കൊല്ലം എക്സൈസ് സർക്കിൾ ഇൻസ്പെക്ടർ ഐ. നൗഷാദിെൻറ നേതൃത്വത്തിൽ അറസ്റ്റ് ചെയ്തത്. തമിഴ്നാട്ടിലെ ഡിണ്ടിഗലിൽ നിന്നാണ് ഇയാൾ കഞ്ചാവ് വാങ്ങിയിരുന്നതെന്ന് പൊലീസ് പറഞ്ഞു. 15നും 21നും ഇടക്ക് പ്രായമുള്ള വിദ്യാർഥികളാണ് അനുവിെൻറ ഉപഭോക്താക്കൾ. സ്കൂൾ പരിസരം കേന്ദ്രീകരിച്ച് കഞ്ചാവ് വിൽക്കുന്നെന്ന വിവരത്തിെൻറ അടിസ്ഥാനത്തിലാണ് രഹസ്യനിരീക്ഷണം നടത്തിയതും പ്രതിയെ പിടികൂടിയതും. റെയ്ഡിൽ പ്രിവൻറിവ് ഓഫിസർ രാജു, സിവിൽ എക്സൈസ് ഓഫിസർമാരായ സതീഷ് ചന്ദ്രൻ, ദിലീപ്കുമാർ, രഞ്ജിത് എന്നിവരും പങ്കെടുത്തു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.