വെഞ്ഞാറമൂട്: കാണാതായ വട്ടപ്പാറ പി.എം.എസ് ഡെൻറല്‍ കോളജിലെ മൂന്നു വിദ്യാർഥികളെയും വെഞ്ഞാറമൂട് പൊലീസ് എറണാകുളത്തുനിന്ന് കണ്ടെത്തി. ഒന്നാംവര്‍ഷ ബി.ഡി.എസ് വിദ്യാര്‍ഥികളായ ഇവരെ ഈമാസം 18 മുതലാണ് കാണാതായത്. മൊബൈല്‍ ലൊക്കേഷന്‍ വെച്ചുള്ള പരിശോധനയില്‍ വിദ്യാർഥികള്‍ എറണാകുളം ഭാഗത്തുണ്ടെന്ന് വെഞ്ഞാറമൂട് പൊലീസ് സൂചന ലഭിക്കുകയായിരുന്നു. എറണാകുളത്തെത്തിയ പൊലീസ് മൂവരെയും ഒരു ലോഡ്ജില്‍ കണ്ടെത്തി. രാവിലെയോടെ വിദ്യാർഥികളെ വെഞ്ഞാറമൂട് സ്‌റ്റേഷനിലെത്തിച്ചു. പിന്നീട് ഇവരെ രക്ഷിതാക്കള്‍ക്കൊപ്പം വിട്ടു. തങ്ങളെ ചില സീനിയർ വിദ്യാർഥികൾ പീഡിപ്പിച്ചതിനാലാണ് കോളജിൽ പോകാതെ നാടുവിട്ടതെന്നാണ് ഇവര്‍ മൊഴി നല്‍കിയിരിക്കുന്നത്. ഇതുമായി ബന്ധപ്പെട്ട് മൂന്ന് സീനിയർ വിദ്യാർഥികളെ കോളജിൽനിന്ന് സസ്പെൻഡ് ചെയ്തിട്ടുണ്ട്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.