കുണ്ടറ: സംസ്ഥാന സർക്കാറിെൻറ ലൈഫ് മിഷൻ ഭവനപദ്ധതിയുടെ ഭാഗമായി ഇളമ്പള്ളൂർ ഗ്രാമപഞ്ചായത്തിൽ 52 വീടുകൾ പൂർത്തീകരിച്ചു. പരിപാടിയുടെ ഉദ്ഘാടനം മുഖത്തല ബ്ലോക്ക് പഞ്ചായത്ത് വൈസ് പ്രസിഡൻറ് എസ്. ജയകുമാരി നിർവഹിച്ചു. വീടുകളുടെ താക്കോലുകൾ പഞ്ചായത്ത് പ്രസിഡൻറ് സുജാതമോഹൻ കൈമാറി. പഞ്ചായത്ത് വൈസ് പ്രസിഡൻറ് ജലജഗോപൻ, ബ്ലോക്ക് പഞ്ചായത്തംഗം രമണി, ഗ്രാമപഞ്ചായത്തംഗങ്ങളായ ഷൈല മധു, ഗോപകുമാർ, റെജില ലത്തീഫ്, രഞ്ജിനി, മേരിക്കുട്ടി, സിന്ധു, രാജി, ശ്രീജ എന്നിവർ സംസാരിച്ചു. നേരത്തേ വീടുകൾ അനുവദിക്കുകയും നിർമാണം പാതിവഴിയിൽ നിലയ്ക്കുകയും ചെയ്ത 42 വീടുകളുടെയും പുതിയ 10 വീടുകളുടെയും പ്രവൃത്തിയാണ് പൂർത്തീകരിച്ചത്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.