തിരുവനന്തപുരം: നഗരസഭയുടെ ജനകീയാസൂത്രണ പദ്ധതി പ്രകാരം സ്കൂൾ വിദ്യാർഥികൾക്കായി സംഘടിപ്പിക്കുന്ന കായിക-കളരി പരിശീലന പദ്ധതിയുടെ ഉദ്ഘാടനം മേയർ വി.കെ. പ്രശാന്ത് നിർവഹിച്ചു. തെരഞ്ഞെടുക്കപ്പെട്ട 500 വിദ്യാർഥികളാണ് പരിശീലനത്തിൽ പങ്കെടുക്കുന്നത്. അത്ലറ്റിക്സ്, ഫുട്ബാൾ, വോളിബാൾ, ബാസ്കറ്റ്ബാൾ, സ്വിമ്മിങ് എന്നീ ഇനങ്ങളിൽ ആറുദിവസത്തെ വിദഗ്ധ പരിശീലനം ലക്ഷ്മിഭായി നാഷനൽ കോളജ് ഫോർ ഫിസിക്കൽ എജുക്കേഷനുമായി സഹകരിച്ചാണ് സംഘടിപ്പിക്കുന്നത്. നഗരസഭ വിദ്യാഭ്യാസ സ്ഥിരം സമിതി ചെയർമാൻ എസ്. ഉണ്ണികൃഷ്ണൻ അധ്യക്ഷതവഹിച്ചു. ടൗൺ പ്ലാനിങ് കമ്മിറ്റി ചെയർമാൻ ആർ. സതീഷ്കുമാർ, ഹെൽത്ത് സ്ഥിരം സമിതി ചെയർമാൻ കെ. ശ്രീകുമാർ, കൗൺസിലർ ഡി. അനികുമാർ എന്നിവർ സംസാരിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.