തിരുവനന്തപുരം: ഗ്രീന്‍ ശബരിമലയുടെ ഭാഗമായി പ്ലാസ്റ്റിക് നിർമാർജനത്തിനുള്ള ക്ലീൻ ആൻഡ് സേഫ് കാമ്പയിെൻറ ഭാഗമായ പ്രചാരണ പ്രവര്‍ത്തനങ്ങള്‍ക്ക് ദേവസ്വം മന്ത്രി കടകംപള്ളി സുരേന്ദ്രന്‍ തുടക്കം കുറിച്ചു. ശബരിമലയും പരിസരവും പ്ലാസ്റ്റിക് നിരോധിത മേഖലയായി പ്രഖ്യാപിച്ചതിനെക്കുറിച്ച് സംസ്ഥാനത്തെയും അയല്‍ സംസ്ഥാനങ്ങളിലെയും തീർഥാടകരെ ബോധവത്കരിക്കാന്‍ വിപുലമായ പ്രചാരണം നടത്തുമെന്ന് മന്ത്രി വ്യക്തമാക്കി. സംസ്ഥാന സര്‍ക്കാറിെൻറയും പത്തനംതിട്ട ജില്ല ടൂറിസം പ്രമോഷന്‍ കൗണ്‍സിലിെൻറയും പ്രചാരണ പരിപാടികള്‍ക്ക് നടന്‍ മോഹന്‍ലാലാണ് നേതൃത്വം നല്‍കുക. സംവിധായകന്‍ രാജീവ് നാഥാണ് മോഹന്‍ലാലിെൻറ വിഡിയോ സന്ദേശം തയാറാക്കിയത്. മലയാളത്തിന് പുറമേ, തമിഴ്, തെലുങ്ക്, കന്നട, ഹിന്ദി ഭാഷകളിലും ഗ്രീന്‍ ശബരിമല പ്രചാരണ വിഡിയോ പുറത്തിറക്കിയിട്ടുണ്ട്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.