തിരുവനന്തപുരം: 2017ലെ പ്രഫഷനൽ ഡിഗ്രി കോഴ്സുകളിലേക്കുള്ള രണ്ടാംഘട്ട അലോട്ട്മെൻറിൽ എൻജിനീയറിങ്, ആർക്കിടെക്ചർ, ഫാർമസി എന്നിവയിൽ ഏതെങ്കിലും കോഴ്സിലേക്ക് അലോട്ട്മെൻറ് ലഭിച്ചശേഷം നിശ്ചിതസമയത്തിനകം കോളജുകളിൽ പ്രവേശനം നേടിയവരുടെ കോളജ് തിരിച്ചുള്ള ലിസ്റ്റ് www.cee.kerala.gov.in വെബ്സൈറ്റിൽ പ്രസിദ്ധീകരിച്ചു. അഡ്മിഷൻ സംബന്ധിച്ച വിവരങ്ങൾ വിദ്യാർഥികളുടെ പ്രൊഫൈൽ പേജിലും ദൃശ്യമാണ്. വിദ്യാർഥികൾ ലിസ്റ്റ്/പ്രൊഫൈൽ പരിശോധിച്ച് അഡ്മിഷൻ സംബന്ധിച്ച വിവരങ്ങൾ ശരിയാണെന്ന് സ്വയം ബോധ്യപ്പെടേണ്ടതാണ്. പരാതിയുള്ളവർ 16ന് വൈകീട്ട് അഞ്ചിന് മുമ്പായി പ്രവേശനപരീക്ഷ കമീഷണറുടെ കാര്യാലയത്തിൽ ഇ-മെയിൽ മുഖാന്തിരം അറിയിക്കേണ്ടതാണെന്ന് പ്രവേശനപരീക്ഷ കമീഷണർ വാർത്താകുറിപ്പിൽ അറിയിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.