ജി.എസ്.ടി നടപ്പാക്കുന്നത് പിൻവലിക്കണം -കൊടിക്കുന്നിൽ കൊല്ലം: ഗുരുതരമായ അപാകതകൾ വന്നിരിക്കുന്ന സാഹചര്യത്തിൽ ജി.എസ്.ടി നടപ്പാക്കുന്നത് പിൻവലിക്കണമെന്ന് കൊടിക്കുന്നിൽ സുരേഷ് എം.പി ആവശ്യപ്പെട്ടു. ജി.എസ്.ടി നടപ്പാക്കാൻ കേന്ദ്ര സർക്കാർ ധിറുതിപിടിച്ച് എടുത്ത തീരുമാനം വരാനിരിക്കുന്ന തെരഞ്ഞെടുപ്പ് മുന്നിൽ കണ്ടാണ്. ജി.എസ്.ടിയെ രാഷ്ട്രീയവത്കരിച്ച കേന്ദ്ര സർക്കാർ സാധാരണക്കാരെ കൊള്ളയടിക്കുന്ന പരിഷ്കാരമായി പദ്ധതിയെ മാറ്റിയിരിക്കുകയാണെന്നും അദ്ദേഹം പറഞ്ഞു. സാധനങ്ങളുടെ വിലനിലവാരം കുറയുമെന്നും ഏകീകൃത നികുതി സമ്പ്രദായം മൂലം ജനങ്ങൾക്ക് വലിയ ആശ്വാസം ലഭിക്കുമെന്നുമുള്ള കേന്ദ്ര സർക്കാറിെൻറ കണക്കുകൂട്ടൽ പാളിയെന്നും കൊടിക്കുന്നിൽ ചൂണ്ടിക്കാട്ടി.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.