തിരുവനന്തപുരം: വിമാനത്താവളത്തില് വീണ്ടും സ്വര്ണം പിടികൂടി. തമിഴ്നാട് സ്വദേശിയില്നിന്ന് ഏഴുലക്ഷം രൂപ വരുന്ന സ്വര്ണമാണ് കസ്റ്റംസ് അധികൃതര് പിടികൂടിയത്. വ്യാഴാഴ്ച വൈകീട്ട് 5.30നുള്ള ഇന്ഡിഗോ എയര്വേസ് വിമാനത്തില് എത്തിയ അബൂബക്കറിന്െറ പക്കല്നിന്നാണ് 234 ഗ്രാം വരുന്ന സ്വര്ണം പിടികൂടിയത്. 24 കാരറ്റില് കണ്ണികളുള്ള പ്രത്യേകതരം ചെയിനാക്കി കാര്ബണ് പേപ്പറില് പൊതിഞ്ഞ് ഷര്ട്ടിന്െറ പോക്കറ്റിലാണ് സ്വര്ണം കടത്താന് ശ്രമിച്ചത്. ഇന്ഡിഗോ വിമാനത്തില് യാത്രക്കാരന് സ്വര്ണം കടത്തുന്നെന്ന രഹസ്യവിവരത്തത്തെുടര്ന്ന് വിമാനത്താവളത്തില് എത്തുന്ന യാത്രക്കാരെ കര്ശനപരിശോധനക്ക് വിധേയമാക്കിയിരുന്നു. പരിശോധനക്കിടെ കസ്റ്റംസിന്െറ കണ്ണുവെട്ടിച്ച് ടെര്മിനലിന് പുറത്തേക്ക് കടക്കുന്നതിനിടെയാണ് യാത്രക്കാരന് പിടിയിലായത്. കസ്റ്റംസ് ഡെപ്യൂട്ടി കമീഷണര് വാഗേഷ്കുമാര്, അസി.കമീഷണര് പ്രദീപ്കുമാര്, സൂപ്രണ്ടുമാരായ സുലൈഖ, രഘു, പ്രദീപ്കുമാര്, മോഹനന്, ഇന്സ്പെക്ടര്മാരായ ഉദയശങ്കര്, കൈലാസ് എന്നിവരടങ്ങുന്ന സംഘമാണ് ഇയാളെ പിടികൂടിയത്. കഴിഞ്ഞദിവസം ഒമ്പത് ലക്ഷം രൂപ വരുന്ന സ്വര്ണം കടത്താന് ശ്രമിച്ച രണ്ടുപേരെ പിടികൂടിയിരുന്നു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.