നെടുമങ്ങാട്: പട്ടാപ്പകല് തെരുവിലിറങ്ങിയ കാട്ടുപന്നിയുടെ ആക്രമണത്തില് ഒരാള്ക്ക് പരിക്കേറ്റു. ഒരുമണിക്കൂറോളം പരാക്രമം നടത്തിയ പന്നി ഭീതിപരത്തി. നെടുമങ്ങാട്, ഇരിഞ്ചയം താന്നിമൂട്ടിലാണ് സംഭവം. താന്നിമൂട് ജങ്ഷനില് കട നടത്തുന്ന ശ്രീകുമാരനാണ് (56) പരിക്കേറ്റത്. വലതുകാലിന് ഗുരുതര പരിക്കേറ്റു. ഞായറാഴ്ച രാവിലെയാണ് കൂറ്റന് കാട്ടുപന്നി താന്നിമൂട് ജങ്ഷനിലത്തെിയത്. സമീപത്തെ വിളയില് നായ്ക്കളുമായി മല്ലടിച്ച് വിരണ്ടോടിയ പന്നി ജങ്ഷനില് കണ്ണില് കണ്ടവരെയെല്ലാം ഓടിക്കുകയായിരുന്നു. ഇതിനിടയിലാണ് ശ്രീകുമാരനെ ആക്രമിച്ചത്. ആക്രമണശേഷം സമീപത്തെ വിളയിലേക്ക് ഓടി രക്ഷപ്പെട്ടു. ഏതാനും ദിവസംമുമ്പ് ഇരിഞ്ചയം കുഴിവിള സദേശിനിയായ യുവതിക്ക് ആക്രമിക്കാന്ശ്രമിച്ച പന്നിയില്നിന്ന് രക്ഷപ്പെടാന് ശ്രമിക്കുന്നതിനിടെ വീണ് ഗുരുതരപരിക്കേറ്റിരുന്നു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.