നെടുമങ്ങാട്: മോഷണങ്ങൾ കണ്ടുപിടിക്കാൻ സി.സി.ടി.വി ദൃശ്യങ്ങൾ പൊലീസിനെ സഹായിക്കാറുണ്ട്. നെടുമങ്ങാെട്ട ഒരു കടയിലെ സി.എഫ് ലാമ്പ് മോഷണംപോയെന്ന പരാതിയിൽ സമീപത്തെ കടയിലെ സി.സി.ടി.വി ദൃശ്യം പരിശോധിച്ച പൊലീസ് ഞെട്ടി. മോഷണം നടത്തുന്നത് ഗ്രേഡ് എസ്.െഎയാണ്. നെടുമങ്ങാട് സ്റ്റേഷനിലെ േഗ്രഡ് എസ്.ഐ ജിജോ കുട്ടപ്പൻ നെടുമങ്ങാടിന് സമീപം കുളവിക്കോണത്തെ ഒരു ഫ്രൂട്ട്സ് കടയിലെ സി.എഫ് ലാമ്പ് മോഷ്ടിക്കുന്ന ദൃശ്യങ്ങളാണ് സി.സി.ടി.വി കാമറയിൽ പതിഞ്ഞത്. ബുധനാഴ്ച രാത്രിയായിരുന്നു സംഭവം. നൈറ്റ് പട്രോളിങ്ങിന് ജീപ്പിൽ സഹപ്രവർത്തകരോടൊപ്പം പോയ ജിജോ പരിശോധനക്കെന്ന വ്യാജേന കടയ്ക്കുമുന്നിലെത്തി മറ്റാരുംകാണാതെ സി.എഫ് ലാമ്പ് ഈരി പോക്കറ്റിൽ തിരുകുകയായിരുന്നു. രാവിലെ കടക്കാരൻ എത്തുമ്പോൾ ലാമ്പ് കാണുന്നില്ല. സമീപത്തെ ഹോം അപ്ലൈൻസിൽ ഘടിപ്പിച്ചിട്ടുള്ള സി.സി.ടി.വി കാമറയിലെ ദൃശ്യങ്ങൾ പരിശോധിച്ചപ്പോഴാണ് പൊലീസുകാരെൻറ ചെയ്തികൾ വെളിച്ചത്തായത്. ഇയാൾക്കെതിരെ മോഷണക്കുറ്റത്തിന് കേസെടുത്തതായി നെടുമങ്ങാട് പൊലീസ് പറഞ്ഞു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.