തിരുവനന്തപുരം: നിംസ് മെഡിസിറ്റിയിലെ ഡോക്ടര്മാരും ഇന്ത്യന് മെഡിക്കല് അസോസിയേഷനും സംയുക്തമായി ‘നിംസ് 10000 ചലഞ്ച്’ എന്ന പേരില് ജൈവകൃഷി രംഗത്തേക്ക് പ്രവേശിക്കുന്നു. ലോക പരിസ്ഥിതി ദിനാചരണ ഭാഗമായി നിംസിലെ 180ഓളം ഡോക്ടര്മാരാണ് ശനിയാഴ്ച ജൈവകൃഷി രംഗത്തേക്ക് കാല്വെക്കുന്നതെന്ന് നിംസ് മെഡിസിറ്റി മാനേജിങ് ഡയറക്ടര് എം.എസ്. ഫൈസല്ഖാന് വാര്ത്താസമ്മേളനത്തില് പറഞ്ഞു. കീടനാശിനിമുക്തവും വിഷാംശം ഇല്ലാത്തതുമായ പച്ചക്കറി ഉല്പാദിപ്പിക്കുകയാണ് പദ്ധതി ലക്ഷ്യം. നിംസ് മെഡിസിറ്റിക്ക് സമീപം ചെമ്പരത്തിവിളയിലാണ് ജൈവകൃഷി നടത്തുക. 30 ഏക്കര് ഭൂമിയില് ആറ് തട്ടുകളായാണ് കൃഷി വിഭാവനം ചെയ്തിരിക്കുന്നത്. ഡോ. ശ്രീജിത്ത് എന്. കുമാര്, ഡോ. സുനോജ്, ഐ.എം.എ ജനറല് സെക്രട്ടറി ഡോ. ആര്.സി. ശ്രീകുമാര്, ഡോ. സുള്ഫി തുടങ്ങിയവരും വാര്ത്താസമ്മേളനത്തില് പങ്കെടുത്തു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.