കഴക്കൂട്ടം: ശ്രീകാര്യം അബ്ദുല്കലാം സ്മാരക ടെക്നിക്കല് യൂനിവേഴ്സിറ്റിയില് നടന്ന വിദ്യാര്ഥി പ്രതിഷേധത്തിനിടെ നേരിയ സംഘര്ഷം. ഇയര്ഒൗട്ട് സംവിധാനത്തിനെതിരെ ദിവസങ്ങളായി പ്രതിഷേധം നടന്നുവരികയായിരുന്നു. കഴിഞ്ഞദിവസം എന്ജിനീയറിങ് വിദ്യാര്ഥി ആകാശ് ആത്മഹത്യചെയ്തിരുന്നു. ഇയര്ഒൗട്ട് സംവിധാനത്തിന് മനംനൊന്താണ് മരണമെന്ന് ബന്ധുക്കളും സുഹൃത്തുക്കളും ആരോപിച്ചിരുന്നു. വെള്ളിയാഴ്ച രാവിലെ 11ഓടെയാണ് പ്രതിഷേധം ആരംഭിച്ചത്. പൊലീസ് സമരക്കാരെ ഗേറ്റിന് മുന്നില് തടഞ്ഞു. തുടര്ന്ന് നേരിയ ഉന്തും തള്ളും കല്ളേറുമുണ്ടായി. പൊലീസ് സംയമനത്തോടെ സമരക്കാരെ തടയുകയായിരുന്നു. തുടര്ന്ന് മൂന്ന് വരെ പ്രതിഷേധം ഗേറ്റിന് മുന്നില് തുടര്ന്നു. തുടര്ന്ന് യൂനിവേഴ്സിറ്റി അധികൃതരുമായി നടത്തിയ ചര്ച്ചയില് തിങ്കളാഴ്ചക്കകം തീരുമാനമെടുക്കാമെന്ന് അധികൃതര് ഉറപ്പുനല്കി. സമരക്കാര് വി.സിയുടെയും പി.വി.സിയുടെയും കോലം കത്തിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.