തിരുവനന്തപുരം: കേരള സര്വകലാശാലാ യൂനിയന്െറ ആഭിമുഖ്യത്തില് ഒമ്പത് മുതല് 11 വരെ ‘ഉന്നത വിദ്യാഭ്യാസ മേഖലയിലെ പ്രശ്നങ്ങളും വെല്ലുവിളികളും’ വിഷയത്തില് ദേശീയ സ്റ്റുഡന്റ്സ് പാര്ലമെന്റ് സംഘടിപ്പിക്കുമെന്ന് വാര്ത്താസമ്മേളനത്തില് യൂനിയന് ചെയര്പേഴ്സണ് എസ്.ആര്. ആര്യ അറിയിച്ചു. കാര്യവട്ടത്ത് സാമ്പത്തിക ശാസ്ത്രജ്ഞന് വെങ്കിടേഷ് ആത്രേയ ഉദ്ഘാടനം ചെയ്യും. ഡോ. എന്.കെ. ജയകുമാര് അധ്യക്ഷതവഹിക്കും. വൈസ്ചാന്സലര് ഡോ. രാധാകൃഷ്ണന്, എം.എ ബേബി എന്നിവര് പങ്കെടുക്കും. 10ന് നടക്കുന്ന വിവിധ സമ്മേളനങ്ങളില് ഡോ. നാഗേശ്വര്, ഡോ. ജെ. പ്രഭാഷ്, ഡോ. നീലോല്പ്പല്ബാസു, ഡോ. കെ.എന്. ഹരിലാല്, ഡോ. രാജന്വര്ഗീസ്, കെ.എസ്.ഭാര്ഗവന്, ഡോ. ജെ. പ്രസാദ്, ഡോ. പി.എസ്. ശ്രീകല, ഡോ. കെ.എന്. ഗണേഷ് എന്നിവര് പങ്കെടുക്കും. പാളയം സെനറ്റ്ഹാളില് 11ന് സമാപനസമ്മേളനം ഡോ. കെ.എന്. പണിക്കര് ഉദ്ഘാടനം ചെയ്യും. യൂനിയന് ജനറല് സെക്രട്ടറി ബി. നിയാസും വാര്ത്താസമ്മേളനത്തില് പങ്കെടുത്തു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.