നേമം: മദ്യപിച്ച് ബഹളമുണ്ടാക്കിയത് വിലക്കിയതിലുള്ള വൈരാഗ്യത്തില് കുടുംബത്തെ ആക്രമിച്ച അഞ്ചംഗ സംഘത്തിലെ ഒരാളെ കൂടി പൊലീസ് പിടികൂടി. വെങ്ങാനൂര് തെറ്റിവിള വവ്വാമൂല തേരിവിളയില് അഖില് ചന്ദ്രനെയാണ് (21) നേമം പൊലീസ് അറസ്റ്റ് ചെയ്തത്. ഇക്കഴിഞ്ഞ ശനിയാഴ്ച വൈകുന്നേരം 4.40ന് കാക്കാമൂല ജങ്ഷനില്വെച്ച് ഇയാള് അടക്കം അഞ്ചംഗ സംഘം കല്ലിയൂര് കാക്കാമൂല കുഴിയാംവിള കൃപ ഭവനില് ജയകുമാറിനെയും ഇയാളുടെ ജ്യേഷ്ഠനെയും ജ്യേഷ്ഠ ഭാര്യയെയും റോഡില് തടഞ്ഞുനിര്ത്തി ആക്രമിക്കുകയായിരുന്നു. സംഭവത്തില് ജയകുമാറിന് കുത്തേറ്റിരുന്നു. അയല്വാസി കുഴിയാംവിള അഭിലാഷിനെ നേരത്തേ അറസ്റ്റ് ചെയ്തിരുന്നു. ജയകുമാറിനെ കരിങ്കല്ലുകൊണ്ട് തലക്കിടിച്ച് പരിക്കേല്പ്പിച്ചയാളാണ് ഇപ്പോള് പിടിയിലായത്. ഇയാളെ കോടതി റിമാന്ഡ് ചെയ്തു. ജയകുമാറിന്െറ വീടിന് സമീപം സംഘം സ്ഥിരമായി മദ്യപിച്ച് ബഹളം വെച്ചിരുന്നു. അതേസമയം, കേസില് പ്രതികളായ മാളു എന്ന നിഖില് നാഗ്, കിഷോര്, ജിത്തു എന്നിവര് ഒളിവിലാണ്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.