: ശക്തമായ കാറ്റിലും മഴയിലും കൈപ്പറമ്പ് പഞ്ചായത്തിൻെറ വിവിധ പ്രദേശങ്ങളിൽ നാശനഷ്ടം. വിവിധ മേഖലകളിൽ മരങ്ങൾ വീണ് ഗതാഗതം തടസ്സപ്പെടുകയും വീടുകൾ തകരുകയും ചെയ്തു. സംസ്ഥാന പാതയിലെ കൈപ്പറമ്പ് ഇറക്കത്ത് വ്യാഴാഴ്ച രാവിലെ തെങ്ങ് വീണ് വൈദ്യുതി കാൽ പൊട്ടിവീണ് ഗതാഗതം അരമണിക്കൂറോളം തടസ്സപ്പെട്ടു. അഗ്നിശമന സേനയെത്തി മരം മുറിച്ചു മാറ്റിയാണ് ഗതാഗതം പുനഃസ്ഥാപിച്ചത്. മുണ്ടൂർ കൊട്ടേക്കാട് റോഡിൽ ബി.എസ്.എൻ.എൽ ഓഫിസിനു സമീപവും മരം വീണ് ഗതാഗതം തടസ്സപ്പെട്ടു. വൈകീട്ടുണ്ടായ കാറ്റിൽ മുണ്ടൂർ- മെഡിക്കൽ കോളജ് റോഡിൽ മൈലാംകുളത്ത് മരങ്ങൾ വീണ് ഗതാഗതം തടസ്സപ്പെട്ടു. പഞ്ചായത്തിലെ പല ഭാഗങ്ങളിലും വ്യാപകമായി മരങ്ങൾ വീണിട്ടുണ്ട്. കൈപ്പറമ്പ് പഞ്ചായത്തിൽ രണ്ട് വീടുകളും മരം വീണ് തകർന്നിട്ടുണ്ട്. മരങ്ങൾ ഒടിഞ്ഞ് വൈദ്യുതി ബന്ധം പൂർണമായും തടസ്സപ്പെട്ടു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.