തൃശൂര്: എറണാകുളം, തൃശൂര്, പാലക്കാട് ജില്ലകളിലെ അടിയന്തരാവസ്ഥ പോരാളികള് ജൂണ് ഒന്നിന് തൃശൂരിൽ ഒത്തുചേരുമെന ്ന് അടിയന്തരാവസ്ഥ തടവുകാരുടെ ഏകോപനസമിതി ഭാരവാഹികള് വാര്ത്തസമ്മേളനത്തില് അറിയിച്ചു. സാഹിത്യ അക്കാദമി ചങ്ങമ്പുഴ ഹാളില് (ടി.എൻ. ജോയ് വേദി) ഉച്ചക്ക് രണ്ടിനാണ് പരിപാടി. കെ. വേണു, എം.എസ്. ജയകുമാര്, പ്രിയനന്ദനന്, റഫീക്ക് അഹമ്മദ്, അന്വര് അലി, പി.എന്. ഗോപീകൃഷ്ണന്, എം.കെ. കണ്ണന്, ഇ.ഡി. ഡേവിസ്, വി.ഡി. പ്രേംപ്രസാദ് എന്നിവര് പങ്കെടുക്കും. അടിയന്തരാവസ്ഥ ചരിത്രം പാഠ്യപദ്ധതിയില് ഉള്പ്പെടുത്തുക, ശാസ്തമംഗലം ക്യാമ്പ് ചരിത്ര സ്മാരകമായി പ്രഖ്യാപിക്കുക, അടിയന്തരാവസ്ഥ വിരുദ്ധ പോരാട്ടത്തെ രണ്ടാം സ്വാതന്ത്ര്യസമരമായി അംഗീകരിക്കുക തുടങ്ങിയ ആവശ്യങ്ങളുന്നയിച്ചാണ് ഒത്തുചേരല്. വാര്ത്തസമ്മേളനത്തില് സമിതി വര്ക്കിങ് പ്രസിഡൻറ് പി.സി. ഉണ്ണിച്ചെക്കന്, പി.കെ. കിട്ടന്, എ.എസ്. പുഷ്പന്, ടി.ആര്. സുധീന്ദ്രന്, കെ.കെ. നാരായണന് എന്നിവര് പങ്കെടുത്തു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.