ഗാഥക്ക് സന്തോഷത്തിൻെറ വിജയഗാഥ മാള: വിജയഗിരിയിലെ വിജയ ഗാഥയായി മാറിയ സന്തോഷം പങ്കുവെക്കാൻ വാക്കുകൾ കിട്ടാതെ ആഹ ്ലാദത്തിലാണ് സി.ബി.എസ്.ഇ സംസ്ഥാന മൂന്നാം റാങ്കുകാരി ഗാഥ. ചാലക്കുടി മേലൂർ സ്വദേശി സുരേഷ് കുമാർ - ശ്രീകല ദമ്പതികളുടെ മകളാണ് ഗാഥ. അഷ്ടമിച്ചിറ കോൾകുന്ന് വിജയഗിരി ഇംഗ്ലീഷ് മീഡിയം സ്കൂളിൽ നിന്നാണ് ഗാഥ മിന്നുന്ന വിജയം കരസ്ഥമാക്കിയത്. ചാലക്കുടി സി.കെ.എം.എൻ.എസ് സ്കൂളിലാണ് ഏഴു വരെ പഠിച്ചത്. റാങ്ക് നേടുക എന്നത് അപ്രതീക്ഷിതമായിരുന്നുവെന്ന് ഗാഥ പറഞ്ഞു. റാങ്ക് കിട്ടിയ വിവരം അധ്യാപകരാണ് ആദ്യം വിളിച്ചറിയിച്ചത്. പിന്നീട് അഭിനന്ദന പെരുമഴയായിരുന്നു. അതിപ്പോഴും നിലച്ചിട്ടില്ല. രണ്ട് പെൺകുട്ടികളുടെ പിതാവാണ് സുരേഷ് കുമാർ. അപ്പോളോ ടയേഴ്സ് ജീവനക്കാരനാണ്. മകളെ പഠിപ്പിച്ച് ഒരു സർജനാക്കുകയാണ് ഇദ്ദേഹത്തിൻെറ ലക്ഷ്യം. ഡോക്ടറാവുക എന്ന ലക്ഷ്യം ഗാഥക്ക് കുട്ടിക്കാലം മുതലുണ്ട്. ചേച്ചി ഗായത്രി എൻജിനീയറിങ് വിദ്യാർഥിയാണ്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.