ചെറുതുരുത്തി: പൈങ്കുളം ഖാദി നെയ്ത്ത് കേന്ദ്രത്തിലെ തൊഴിലാളികൾ ലോക്സഭ തെരഞ്ഞെടുപ്പിൽ വോട്ട് ബഹിഷ്കരിക്കാനൊര ുങ്ങുന്നു. പാഞ്ഞാൾ പഞ്ചായത്തിലെ പൈങ്കുളം അയ്യപ്പൻ എഴുത്തച്ഛൻ പടിക്ക് സമീപം പ്രവർത്തിക്കുന്ന ഖാദി കേന്ദ്രത്തിെല തൊഴിലാളികളാണ് വോട്ട് ബഹിഷ്കരിച്ച് പ്രതിഷേധിക്കാൻ തീരുമാനിച്ചത്. മായന്നൂർ ആസ്ഥാനമായി പ്രവർത്തിക്കുന്ന ഖാദി കേന്ദ്രത്തിന് കീഴിലുള്ള ഈ യൂനിറ്റിലുള്ളവർക്ക് നാല് വർഷമായി ആനുകൂല്യങ്ങൾ നൽകാത്തതാണ് വോട്ട് ബഹിഷ്കരിക്കാൻ കാരണമെന്ന് അസോസിയേഷൻ അറിയിച്ചു. തൊഴിലാളികൾക്ക് ലഭിക്കേണ്ട മിനിമം വേതനം പോലും കിട്ടാറില്ലെന്നും രാവിലെ ഒമ്പതിന് വന്നാൽ അഞ്ച് വരെയാണ് പണിയെന്നും തൊഴിലാളികൾ പറഞ്ഞു. കഴിഞ്ഞ ഓണത്തിന് അന്ന് വ്യാവസായ മന്ത്രിയായിരുന്ന എ.സി. മൊയ്തീൻെറ വീട്ടിലേക്ക് തൊഴിലാളികൾ മാർച്ച് നടത്താൻ നിശ്ചയിച്ചതിനെ തുടർന്ന് കുറച്ച് ആനുകൂല്യങ്ങൾ വിതരണം ചെയ്തിരുന്നു. ബാക്കി 2019 മാർച്ചിൽ തരാമെന്ന് അറിയിക്കുകയും ചെയ്തിരുന്നു. പിന്നീട് വ്യവസായ വകുപ്പിനെ സമീപിച്ചെങ്കിലും ഒരു നടപടിയുമുണ്ടായില്ല. തുടർന്ന് ഏപ്രിൽ എട്ടിന് കലക്ടറേറ്റിന് മുന്നിൽ 2,500 ഓളം വരുന്ന തൊഴിലാളികൾ ധർണ നടത്തിയിരുന്നു. എന്നിട്ടും അധികൃതർ കണ്ണു തുറക്കാതായതോടെയാണ് കേന്ദ്രത്തിലെ തൊഴിലാളികളും അവരുടെ കുടുംബാംഗങ്ങളും വോട്ട് ബഹിഷ്കരിക്കാൻ തീരുമാനിച്ചതെന്ന് തൊഴിലാളികളായ സി.കെ. ഉഷ, എ. ദിവ്യ, പി.എം. ശ്രീജ എന്നിവർ 'മാധ്യമ'ത്തോട് പറഞ്ഞു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.