ന്യൂഡൽഹി: 2016ലെ ജെ.എൻ.യു രാജ്യദ്രോഹ കേസിൽ ഡൽഹി പൊലീസ് കുറ്റപത്രം നൽകിയ രീതിയെ വിമർശിച്ച് ഡൽഹി സർക്കാർ. അതീവ രഹസ്യസ്വഭാവത്തോടെ തിടുക്കപ്പെട്ട് തയാറാക്കിയ കുറ്റപത്രം പരിഗണിച്ച് ജെ.എൻ.യു മുൻ വിദ്യാർഥി യൂനിയൻ നേതാവ് കനയ്യ കുമാറിനെ വിചാരണ ചെയ്യാനാകുമോ എന്നു തീരുമാനിക്കാൻ ഒരുമാസത്തെ സമയം ആവശ്യമാണെന്ന് എ.എ.പി സർക്കാർ ഡൽഹി ചീഫ് മെട്രോപോളിറ്റൻ മജിസ്േട്രറ്റ് ദീപക് ഷെറാവത്ത് മുമ്പാകെ വ്യക്തമാക്കി. ബന്ധപ്പെട്ട അധികൃതരിൽനിന്ന് ആവശ്യമായ അനുമതി വാങ്ങാതെയാണ് പൊലീസ് കുറ്റപത്രം തയാറാക്കിയതെന്നും സർക്കാർ അറിയിച്ചു. കനയ്യ കുമാറിൻെറ വിചാരണ സംബന്ധിച്ച് കൃത്യമായ സമയം അറിയിക്കണമെന്ന് നേരത്തേ കോടതി ആവശ്യപ്പെട്ടിരുന്നു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.