കരൂപ്പടന്ന: പ്രളയത്തിൽ വീടിനും വീട്ടുവളപ്പിനും നാശം നേരിട്ട അധ്യാപികയുടെ വീട്ടിൽ അധ്യാപക ദിനത്തിൽ അധ്യാപകരും വിദ്യാർഥികളും ചേർന്ന് കൃഷിത്തോട്ടം ഒരുക്കി. കരൂപ്പടന്ന ഗവ. ഹയർ സെക്കൻഡറി സ്കൂളിലെ പൂർവ വിദ്യാർഥിയും പൂർവ അധ്യാപികയും ഇപ്പോൾ പുല്ലൂറ്റ് ഗവ. ഹൈസ്കൂളിലെ അധ്യാപികയുമായ അജിതയുടെ കരൂപ്പടന്ന പുഴയോരത്തെ വീട്ടിലാണ് കൃഷിത്തോട്ടം ഒരുക്കിയത്. പ്രളയത്തിൽ അജിതയുടെ വീട്ടുവളപ്പിലെ കൃഷിത്തോട്ടം നശിച്ചിരുന്നു. അധ്യാപകരും വിദ്യാർഥികളും ചേർന്ന് വെണ്ട, തക്കാളി, പയർ, പച്ചമുളക്, കയ്പക്ക തുടങ്ങിയവ വെച്ചത്. പ്രധാനാധ്യാപിക എം. ജയലക്ഷ്മി, അധ്യാപകരായ കെ.എച്ച്. ബിന്നി, കെ.കെ. സഫിയ, കെ.എസ്. സുഷ, കെ.എച്ച്. നിസ, സി.ആർ. ധന്യ, ബിന്ദു എന്നിവരും വിദ്യാർഥികളായ രഞ്ജിത്ത്, ബിലാൽ, ഷാൻ, അമീൻ എന്നിവരും നേതൃത്വം നൽകി.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.