തൃപ്രയാർ: വന്കിട മുതലാളിമാര്ക്കും കോര്പറേറ്റുകള്ക്കും സാധാരണക്കാരുടെ പണം കൈമാറുന്ന കങ്കാണിപ്പണിയാണ് പൊതുമേഖലാ ബാങ്കുകള് ചെയ്യുന്നതെന്നും ഇന്ത്യയിലെ ഏറ്റവും വലിയ പൊതുമേഖല ബാങ്കായ എസ്.ബി.ഐ സാധാരണക്കാരെൻറ പണം അവരറിയാതെ അപഹരിക്കുന്ന കൊള്ളക്ക് കൂട്ടുനില്ക്കുകയാണെന്നും ആർ.എം.പി.ഐ സംസ്ഥാന പ്രസിഡൻറ് ടി.എല്.സന്തോഷ് പറഞ്ഞു. എസ്.ബി.ഐ ഇടപാടുകളിലെ ഓണ്ലൈന് തട്ടിപ്പിനെതിരെ നടപടി എടുക്കണമെന്നാവശ്യപ്പെട്ട് ആർ.എം.പി.ഐ നാട്ടിക മേഖല കമ്മിറ്റി നേതൃത്വത്തില് എസ്.ബി.ഐ തൃപ്രയാര് ബ്രാഞ്ചിന് മുന്നില് നടത്തിയ ധര്ണ ഉദ്ഘാടനം ചെയ്യുകയായിരുന്നു അദ്ദേഹം. സാധാരണക്കാർക്ക് ഒരു നീതിയുംഎസ്.ബി.ഐയിൽ നിന്ന് ലഭിക്കില്ലെന്നു അദ്ദേഹം പറഞ്ഞു. 23,600 രൂപ നഷ്ടപ്പെട്ടതിനേക്കാള് വിഷമം ബാങ്ക് അധികാരികളുടെ ധിക്കാരപരമായ സമീപനമാണെന്ന് ഓൺലൈൻ തട്ടിപ്പിനിരയായി പണം നഷ്ടപ്പെട്ട തളിക്കുളം സ്വദേശി ഷീബ ദില്ഷാദ് പറഞ്ഞു. പണം നഷ്ടപ്പെട്ട നാട്ടിക സ്വദേശി വിമുക്ത ഭടന് ശങ്കരനാരായണന് ധര്ണക്ക് ഐക്യദാര്ഢ്യം അറിയിച്ചു.കെ.ജി. സുരേന്ദ്രന്, ഇ.വി. ദിനേഷ് കുമാര്, കെ.എസ്. ബിനോജ്, ടി.കെ. പ്രസാദ്, കെ.വി. കിഷോര് കുമാര് എന്നിവര് സംസാരിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.