കുന്നംകുളം: ജൈവ കൃഷിയിൽ നേട്ടം കൊയ്ത അതുൽ എം. കൃഷ്ണൻ എസ്.എസ്.എൽ.സി പരീക്ഷയിലും മികച്ച നേട്ടം കൊയ്തു. അക്കിക്കാവ് ടി.എം വൊക്കേഷനൽ ഹയർ സെക്കൻഡറി സ്കൂളിലെ വിദ്യാർഥിയായ അതുൽ മുഴുവൻ വിഷയങ്ങളിലും എ പ്ലസ് നേടി. സമഗ്ര പച്ചക്കറി വികസന പദ്ധതിയുടെ ഭാഗമായി കാർഷിക വകുപ്പ് ജില്ലയിലെ വിദ്യാർഥികളിലെ മികച്ച കർഷകനായി അതുലിനെ രണ്ട് മാസം മുമ്പ് തിരഞ്ഞെടുത്തിരുന്നു. മികച്ച കർഷകനുള്ള പുരസ്കാരം നേടിയ പൊതുപ്രവർത്തകൻ ബാലാജി എം. പാലിശേരിയുടെയും ഗുരുവായൂർ ശ്രീകൃഷ്ണ ഹയർ സെക്കൻഡറി സ്കൂൾ അധ്യാപിക ലീനയുടെയും ഏകമകനാണ്. ഒരേക്കർ സ്ഥലത്ത് പച്ചക്കറി കൃഷി ചെയ്താണ് അംഗീകാരത്തിന് അന്ന് അർഹത നേടിയത്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.