തൃശൂർ: പുഴയ്ക്കല് ബ്ലോക്ക് പഞ്ചായത്തിൽ ലൈഫ് പദ്ധതി പ്രകാരം പൂര്ത്തീകരിച്ച 35 വീടുകൾക്കുള്ള താക്കോൽ പുഴയ്ക്കല് ബ്ലോക്ക് പഞ്ചായത്ത് പ്രസിഡൻറ് ലൈജു സി. എടക്കളത്തൂര് വിതരണം ചെയ്തു. പൂർത്തിയാകാത്ത വീടുകള്ക്ക് ബ്ലോക്ക് പഞ്ചായത്ത് വികസന പദ്ധതിയില്നിന്ന് ഒരു കോടി അനുവദിച്ചു. വികസന സ്റ്റാൻഡിങ് കമ്മിറ്റി ചെയര്മാന് സി.വി കുരിയാക്കോസ് അധ്യക്ഷത വഹിച്ചു. ക്ഷേമകാര്യ സ്റ്റാൻഡിങ് കമ്മിറ്റി ചെയര്പേഴ്സൻ രഞ്ജു വാസുദേവന്, ബ്ലോക്ക് പഞ്ചായത്ത് അംഗങ്ങളായ എം.ടി സന്തോഷ്, സുജാത മുരളീധരന്, ജോയിൻറ് ബി.ഡി.ഒ കെ.ഇ ഉണ്ണി, ഹൗസിങ് ഓഫിസര് ഇ. വിശ്വനാഥന്, ജനറല് എക്സ്റ്റന്ഷന് ഓഫിസര് എം. ഹരിദാസ്, വനിത ക്ഷേമ ഓഫിസര് കെ.ബി ശശിധരന്, പ്ലാനിങ് ആൻഡ് മോണിറ്ററിങ് ഓഫിസര് എന്.എ. രാധാമണി എന്നിവര് സംസാരിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.