ചാലക്കുടി: അന്നനാട് ഫിലിം സൊസൈറ്റിയുടെ ആഭിമുഖ്യത്തില് ജില്ല പഞ്ചായത്തിെൻറ സഹകരണത്തോടെ സംഘടിപ്പിക്കുന്ന അന്താരാഷ്ട്ര ചലച്ചിത്രമേള (ഐ.എഫ്.എഫ്.എ 2018) മാര്ച്ച് 22 മുതൽ 25 വരെ അന്നനാട് എസ്.എന് ഹാളില് നടക്കും. കേരള സംസ്ഥാന ചലച്ചിത്ര അക്കാദമിയും ഫെഡറേഷൻ ഓഫ് ഫിലിം സൊസൈറ്റീസ് ഓഫ് ഇന്ത്യയുടെ കേരള ഘടകവും മേളയോട് സഹകരിക്കും. ചാലക്കുടി താലൂക്ക് ലൈബ്രറി കൗൺസിലും അന്നനാട് ഗ്രാമീണ വായനശാലയും പൂർണ പിന്തുണയുമായി മേളക്കൊപ്പമുണ്ട്. 23ന് വൈകീട്ട് ആറിന് നടക്കുന്ന ഓപൺഫോറത്തിന് അന്നനാട് ഗ്രാമീണ വായനാശാല നേതൃത്വം നൽകും. അന്നേദിനം 7.30ന് പ്രദർശിപ്പിക്കുന്ന ചിത്രം അന്നനാട് വായനശാല അംഗങ്ങൾക്ക് സൗജന്യമായി കാണാം. ഉദ്ഘാടന സമ്മേളനം 22ന് വൈകീട്ട് 5.30ന് നടക്കും. നടൻ ഇന്ദ്രൻസ് പങ്കെടുക്കും.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.