തൃശൂര്: ചെറുതുരുത്തി ജ്യോതി എന്ജിനീയറിങ് കോളജിലെ ടെക് ഫെസ്റ്റ് 17നും 23നും നടത്തുമെന്ന് സംഘാടകർ അറിയിച്ചു. 16ന് തേക്കിന്കാട് മൈതാനം വൃത്തിയാക്കല്, ഫോട്ടോഗ്രഫി- ഡബ്സ്മാഷ് മത്സരം, അവയവദാന ക്യാമ്പ് എന്നിവ നടത്തും. കിഡ്നി ഫെഡറേഷന് ഓഫ് ഇന്ത്യ ചെയര്മാന് ഫാ. ഡേവിസ് ചിറമ്മല് അവയവദാനസമ്മതപത്രം സമര്പ്പിക്കും. 17ന് രാവിലെ ഒമ്പതിന് ലുലു കൺവെന്ഷന് സെൻററില് സംസ്ഥാനത്തെ വിവിധ കോളജുകളെ പങ്കെടുപ്പിച്ച് മ്യൂസിക്കല് ബാന്ഡ് ഷോ മത്സരം, ഡാന്സ് ഫെസ്റ്റ്. 23ന് രാവിലെ 9.30ന് കോളജില് ടെക് ഫെസ്റ്റ് ഉദ്ഘാടനം. വിവിധ വകുപ്പുകളുടെ നേതൃത്വത്തില് ടൗണ് പ്ലാനിങ്, അസ്ത്ര ക്വിസ്, റോബോ സോക്കര്, കാര് സ്റ്റുഡിയോ, റോബോ വാര് എന്നിവ നടക്കും. ഫാ. ജോജു ചിരിയങ്കണ്ടത്ത്, ഡോ. ജോസ് പി. തേറാട്ടില്, ജോര്ജ് ചിറമ്മല്, അലന് ഫ്രാന്സിസ് ആൻറണി എന്നിവര് വാർത്തസമ്മേളനത്തില് പങ്കെടുത്തു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.