കൊടുങ്ങല്ലൂർ: കെ.കെ.ടി.എം. ഗവ. കോളജിൽ ഇൗ വർഷം രണ്ട് കോടി രൂപയുടെ വികസന പദ്ധതികൾ നടപ്പാക്കും. ഇതിനായി കേന്ദ്ര സർക്കാറിെൻറ റൂസാ പദ്ധതി (രാഷ്്ട്രീയ ഉച്ചതാര് ശിക്ഷാ അഭിയാൻ) പ്രകാരം കോളജിന് രണ്ട് കോടി രൂപ ലഭിച്ചതായി പ്രിൻസിപ്പൽ ഡോ. െഎ. അനിത അറിയിച്ചു. ഏതാനും മാസങ്ങൾക്ക് മുമ്പ് റുേസാ പ്രതിനിധി സംഘം കോളജ് സന്ദർശിക്കുകയും പ്രവർത്തനങ്ങൾ വിലയിരുത്തുകയും ചെയ്തിരുന്നു. അക്കാദമിക-അക്കാദമികേതര മികവ് വർധിപ്പിക്കുകയാണ് ലക്ഷ്യമിടുന്നതെന്ന് അധികൃതർ വ്യക്തമാക്കി. ലാബ്, ലൈബ്രറി, മൈതാനം, ഗവേഷണ കേന്ദ്രം എന്നിവ വികസിപ്പിക്കും. ശുചിത്വ മിഷൻ, പ്ലാസ്റ്റിക് വിമുക്ത ഗ്രീൻ കാമ്പസ് മുതലായ സംരംഭങ്ങളുടെ മികവ് വർധിപ്പിക്കും. ഭൂമിത്രസേന, എൻ.എസ്.എസ്, മാതൃഭാഷ നയം തുടങ്ങിയ മേഖലകളിലും കുടുതൽ പരിപാടികൾ ആവിഷ്ക്കരിക്കും. നിലവിൽ ഏഴ് വിഷയങ്ങളിൽ ബിരുദവും, മൂന്ന് വിഷയങ്ങളിൽ ബിരുദാനന്തര ബിരുദവും കോളജിൽ ഉണ്ട്. ഇൗയിടെ കോഴിക്കോട് സർവകലാശാലയുടെ മലയാള ഗവേഷണ കേന്ദ്രം കോളജിന് അനുവദിച്ചിട്ടുണ്ട്. ഇതിെൻറ മികച്ച പ്രവർത്തനത്തിനും ഫണ്ട് ഉപയോഗപ്പെടുത്തുമെന്ന് പ്രിൻസിപ്പൽ അറിയിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.