ഗുരുവായൂര്: കോട്ടപ്പടി സെൻറ് ലാസർ പള്ളിയിൽ ചുങ്കത്ത് പാറേക്കാട്ട് വറതച്ചെൻറ ശ്രാദ്ധം ജൂണ് എട്ടിന് ആചരിക്കുമെന്ന് ഭാരവാഹികൾ അറിയിച്ചു. 25,000 പേര്ക്ക് സദ്യ നല്കും. തിരുക്കര്മങ്ങള് ജൂണ് ഒന്നിന് ആരംഭിക്കും. ഞായറാഴ്ച വൈകീട്ട് അഞ്ചിന് വിളംബര റാലി, വ്യാഴാഴ്ച കാര്ഷിക വിപണന മേള എന്നിവ നടക്കും. എട്ടിന് ശ്രാദ്ധനാളില് രാവിലെ പത്തിന് തിരുക്കര്മങ്ങള്ക്ക് വികാരി ജനറാള് മോണ്. തോമസ് കാക്കശേരി മുഖ്യകാർമികനാവും. വികാരി ഫാ. നോബി അമ്പൂക്കന് ശ്രാദ്ധസദ്യ വെഞ്ചരിക്കും. കുട്ടികളുടെ ചോറൂണിന് അസി. വികാരി ഫാ. പ്രയാണ് കോങ്ങാട്ട് നേതൃത്വം നല്കും. ശ്രാദ്ധാചരണ ഭാഗമായി ഇടവകയുടെ പരിസരത്തുള്ള ഏഴ് ആശുപത്രികളില് ജൂണ് എട്ടിന് നടക്കുന്ന ഡയാലിസിസുകളുടെ ചെലവ് ഇടവക വഹിക്കും. പ്രവാസി കൂട്ടായ്മയുടെ നേതൃത്വത്തില് അര്ഹരായ രോഗികള്ക്ക് ചികിത്സ സഹായവും നല്കുന്നുണ്ട്. വികാരി ഫാ. നോബി അമ്പൂക്കന്, ജനറല് കണ്വീനര് ഡെയ്സന് പഴുന്നാന, കൈക്കാരന് ഒ.ജെ. വര്ഗീസ്, പബ്ലിസിറ്റി കണ്വീനര് ജോബി വാഴപ്പുള്ളി എന്നിവര് വാര്ത്തസമ്മേളനത്തില് പങ്കെടുത്തു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.