തൃശൂർ: ഇൗസ്റ്റ് ഉപജില്ലയിൽ മികച്ച വിജയം നേടിയ വിദ്യാർഥികളെയും സ്കൂളുകളെയും വിദ്യാഭ്യാസ വികസന സമിതി ആഭിമുഖ്യത്തിൽ അനുമോദിക്കും. ഇതിനായി ശനിയാഴ്ച മെറിറ്റ് ഡേ നടക്കുമെന്ന് തൃശൂർ ഇൗസ്റ്റ് എ.ഇ.ഒ എം.ആർ. ജയശ്രീ വാർത്തസമ്മേളനത്തിൽ അറിയിച്ചു. ഉപജില്ലയിൽ 33 ഹൈസ്കൂളുകളിൽ 27 ഉം നൂറു ശതമാനം വിജയം നേടി. 99.39 ആണ് വിജയശതമാനം. ഹയർ സെക്കൻഡറിയിൽ രണ്ട് സ്കൂളുകൾ നൂറു ശതമാനം വിജയം നേടി. 87.24 ആണ് ഹയർ സെക്കൻഡറി വിജയ ശതമാനം. ശനിയാഴ്ച രാവിലെ തൃശൂർ ഗവ. മോഡൽ ഗേൾസ് ഹൈസ്കൂളിൽ മേയർ അജിത ജയരാജൻ ഉദ്ഘാടനം ചെയ്യും. വിദ്യാഭ്യാസ സ്റ്റാൻഡിങ് കമ്മിറ്റി ചെയർപേഴ്സൻ ലാലി ജെയിംസ് അധ്യക്ഷത വഹിക്കും. ഡെപ്യൂട്ടി മേയർ ബീന മുരളി വിശിഷ്ടാതിഥിയാവും. സമിതി കൺവീനർ ഡോ.അബി പോൾ, എച്ച്.എം. ഫോറം കൺവീനർ എം. പ്രസന്നകുമാരി, സമിതിയംഗങ്ങളായ ടി.എസ്. അബ്്ദു സലീം, അനീഷ് അഗസ്റ്റിൻ എന്നിവരും വാർത്തസമ്മേളനത്തിൽ പങ്കെടുത്തു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.