ആമ്പല്ലൂര്: ഗ്രാമീണ മേഖലയിലെ ദാരിദ്ര്യ നിര്മാർജനത്തിനായി കേന്ദ്ര സര്ക്കാര് നടപ്പാക്കുന്ന സ്റ്റാര്ട്ടപ്പ് ഗ്രാമീണ സംരംഭകത്വ പരിപാടിക്ക് കൊടകര ബ്ലോക്ക് പഞ്ചായത്തില് തുടക്കമാകുന്നു. കുടുംബശ്രീയുടെ നേതൃത്വത്തില് പദ്ധതിയുടെ ആദ്യഘട്ടം കൊടകര ബ്ലോക്കിലെ ഏഴ് പഞ്ചായത്തുകളിലാണ് നടപ്പാക്കുന്നത്. സാങ്കേതികജ്ഞാനം ആവശ്യമില്ലാത്ത മേഖലകളില് സംരംഭങ്ങള് ആരംഭിക്കുന്നതിന് സംരംഭകരെ ആകര്ഷിക്കുകയാണ് പദ്ധതിയുടെ ലക്ഷ്യം. നാലു വര്ഷംകൊണ്ട് ബ്ലോക്കില് 1746 സംരംഭങ്ങള് ആരംഭിക്കും. ബ്ലോക്ക് റിസോഴ്സ് സെൻറര്വഴി സംരംഭകര്ക്ക് ബിസിനസ് മാനേജ്മെൻറ്, നൈപുണ്യ വികസനം എന്നിവയില് പരിശീലനം നല്കും. കുടുംബശ്രീ അംഗങ്ങള്ക്കും കുടുംബാംഗങ്ങള്ക്കുമാണ് പദ്ധതിയുടെ പ്രയോജനം ലഭിക്കുക. പ്രത്യേകം പരിശീലനം ലഭിച്ച മിഷന് കോഒാഡിനേറ്റര്മാര് വഴി നടപ്പാക്കുന്ന പദ്ധതിക്ക് 5.29 കോടി രൂപയാണ് വകയിരുത്തിയിരിക്കുന്നത്. പദ്ധതിയുടെ ജില്ലാതല ഉദ്ഘാടനം 29ന് കൊടകര ബ്ലോക്ക് പഞ്ചായത്ത് ഓഡിറ്റോറിയത്തില് വൈകീട്ട് നാലിന് മന്ത്രി സി. രവീന്ദ്രനാഥ് നിർവഹിക്കും. ജില്ല പഞ്ചായത്ത് പ്രസിഡൻറ് മേരി തോമസ് അധ്യക്ഷത വഹിക്കും.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.