മാള: പുത്തൻചിറ - മാരേക്കാട് വഴി ബസ് സർവിസ് ആരംഭിക്കാൻ നടപടി സ്വീകരിക്കുമെന്ന് വി.ആർ. സുനിൽ കുമാർ എം.എൽ.എ അറിയിച്ചു. 2015 ലാണ് പാലം യാഥാർഥ്യമായത്. മാരേക്കാട് ഭാഗത്തുനിന്ന് അഷ്ടമിച്ചിറ, പുത്തൻചിറ, ചാലക്കുടി, മാള, ഇരിങ്ങാലക്കുട, കൊടകര തുടങ്ങിയ പ്രദേശങ്ങളിലേക്ക് സർവിസ് ഉടൻ ആരംഭിക്കുമെന്ന പ്രതീക്ഷയിലാണ് നാട്ടുകാർ. മാള പഞ്ചായത്തിലെ മാരേക്കാടിനേയും പുത്തൻചിറ പഞ്ചായത്തിലെ കുന്നത്തേരിയേയും ബന്ധപ്പെടുത്തിയാണ് പാലം. ഇരിങ്ങാലക്കുട, കൊടുങ്ങല്ലൂർ എന്നിവിടങ്ങളിൽനിന്ന് ചാലക്കുടിയിലേക്ക് ദൂരം കുറഞ്ഞ വഴിയാണിത്. നേരത്തേ കെ.എസ്.ആർ.ടി.സി രണ്ട് മാസം ഓടിയ ശേഷം സർവിസ് നിർത്തി. കൊട്ടിഘോഷിച്ചു നിർമാണം നടത്തിയ റോഡ് തകർച്ച ഭീഷണിയിലാണ്. നിരവധി സ്കൂളുകളിലേക്കും ആശുപത്രികളിലേക്കുമുള്ള പ്രധാനപ്പെട്ട റോഡാണിത്. അഷ്ടമിച്ചിറ-മാരേക്കാട് റോഡുവഴി ബസ് സർവിസ് ആരംഭിക്കണമെന്ന് സി.പി.ഐ മാള ലോക്കൽ സെക്രട്ടറി സാബു ഏരിമ്മൽ ആവശ്യപ്പെട്ടു. പുത്തൻച്ചിറ റോഡിൻ നിന്നും മാരേക്കാട് റോഡിലേയ്ക്ക് ബസുകൾ തിരിയാൻ തടസ്സമായി നിൽക്കുന്ന ഭാഗം വീതി കൂട്ടി അടിയന്തര നടപടി സ്വീകരിക്കണമെന്ന് സി.പി.ഐ പുത്തൻചിറ ലോക്കൽ കമ്മിറ്റി ആവശ്യപ്പെട്ടു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.