കാഞ്ഞാണി: മണലൂർ - ഏനാമാവ് സ്റ്റീൽ പാലം നിർമാണത്തിനിടെ പുഴയിൽ വീണു. കനോലി പുഴക്ക് കുറുകെ നിർമിക്കുന്ന പാലമാണ് ശക്തമായ കാറ്റിൽ പുഴയിൽ വീണത്. പാലത്തിെൻറ തൂണുകളുടെ നിർമാണം പൂർത്തിയായിരുന്നു. കരയിൽ വെച്ച് നിർമിച്ച മുകൾ ഭാഗം വടക്കുഭാഗത്ത് തൂണിൽ സ്ഥാപിക്കുകയും ചെയ്തു. ശനിയാഴ്ച മധ്യഭാഗം തൂണിൽ സ്ഥാപിക്കാനുള്ള ശ്രമത്തിനിടെ നീളമുള്ള പാലത്തിെൻറ ഭാഗം കാറ്റിൽ പുഴയിലേക്ക് മറിയുകയായിരുന്നു. തൊഴിലാളികൾ അത്ഭുതകരമായി രക്ഷപ്പെട്ടു. തകർന്ന ഭാഗം പുഴയിൽ നിന്ന് കരക്ക് കയറ്റി നന്നാക്കി ഇനി വീണ്ടും സ്ഥാപിക്കണം. സി.എൻ. ജയദേവൻ എം.പിയുടെ ഫണ്ട് ഉപയോഗിച്ചാണ് ഇവിടെ പാലം നിർമിക്കുന്നത്. നിലവിൽ വഞ്ചിയിലാണ് യാത്രക്കാർ മറുകര കടക്കുന്നത്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.