ഇരിങ്ങാലക്കുട: ബൈപാസ് റോഡില് സ്ഥിരം അപകടമൂലയായ ഞവരകുളത്തിന് സമീപത്തെ നാല് മൂലയില് ഇത്തവണ അപകടത്തില്പ്പെട്ടത് നാൽക്കാലി. സമീപത്തെ പറമ്പില് പുല്ല് തിന്നാന് കെട്ടിയിട്ടിരുന്ന പശുക്കുട്ടി കയര് അഴിഞ്ഞ് റോഡിലേക്കിറങ്ങുകയായിരുന്നു. ഈ സമയം തൃശൂരിലേക്ക് പോവുകയായിരുന്ന ലിമിറ്റഡ് സ്റ്റോപ്പ് ബസിനടിയിൽ പശുക്കുട്ടി പെട്ടു. പശുക്കുട്ടിയെ വലിച്ച് ബസ് കുറച്ച് ദൂരം പിന്നിട്ടപ്പോഴേക്കും സംഭവം കണ്ട നാട്ടുകാര് ഒച്ചവെച്ച് ബസ് നിര്ത്തിച്ചു. പുറകെ വരുകയായിരുന്ന ഇരിങ്ങാലക്കുട എസ്.ഐ കെ.എസ് സുശാന്തും സംഘവും നാട്ടുകാരുടെ സഹായത്തോടെ പശുക്കുട്ടിയെ നിസാര പരിക്കുകളോടെ രക്ഷിക്കുകയായിരുന്നു. കഴിഞ്ഞ ആഴ്ച ഇവിടെ കാറും ഓട്ടോറിക്ഷയും അപകടത്തിൽപ്പെട്ടിരുന്നു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.