കൊടകര: മദ്യലഹരിയില് മകനെ ഗുരുതരമായി കുത്തിപരിക്കേല്പ്പിച്ച വയോധികനെ കൊടകര പൊലീസ് അറസ്റ്റ് ചെയ്തു. കനകമല പുതുശ്ശേരി ജോസഫാണ് (68) അറസ്റ്റിലായത്. കുത്തേറ്റ മകന് ഷൈജു (44) തൃശൂരിലെ സ്വകാര്യാശുപത്രിയില് ചികിത്സയിലാണ്. ഇയാളെ ശസ്ത്രക്രിയക്ക് വിധേയനാക്കി. വെള്ളിയാഴ്ച രാത്രിയിലാണ് കേസിനാസ്പദമായ സംഭവം. മദ്യലഹരിയിലായിരുന്ന ഇരുവരും തമ്മില് വാക്കേറ്റമുണ്ടായതിനെ തുടര്ന്നാണ് ജോസഫ് മകനെ കുത്തിപരിക്കേല്പ്പിച്ചതെന്ന് പൊലീസ് പറഞ്ഞു. കോടതിയില് ഹാജരാക്കിയ ഇയാളെ റിമാൻഡ് ചെയ്തു. കൊടകര സി.ഐ കെ. സുമേഷ്, എസ്.ഐ കെ.കെ. ബാബു എന്നിവരുടെ നേതൃത്വത്തിലാണ് പ്രതിയെ പിടികൂടിയത്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.