ഏങ്ങണ്ടിയൂർ: ഗ്രാമത്തിലെ യുവാക്കളുടെ കായിക ക്ഷമത വർധിപ്പിക്കുന്നതിനും വോളിബാൾ പ്രതിഭകളെ വാർത്തെടുക്കുന്നതിനുമായി ഏങ്ങണ്ടിയൂർ പഞ്ചായത്ത് 'വോളിഗ്രാമം'പദ്ധതി നടപ്പാക്കും. മികച്ച പരിശീലനം നൽകുന്നതിനും, പദ്ധതിയുടെ ഉദ്ദേശ ലക്ഷ്യങ്ങൾ വിശദീകരിക്കുന്നതിനും വേണ്ടി 'കോച്ചേഴ്സ് ക്ലിനിക്ക്'പരിശീലന ക്യാമ്പ് സംഘടിപ്പിച്ചു. ഗ്രാമപഞ്ചായത്ത് പ്രസിഡൻറ് ഉദയ് തോട്ടപ്പുള്ളി ഉദ്ഘാടനം ചെയ്തു. വൈസ് പ്രസിഡൻറ് സി.ബി. ഭാരതി അധ്യക്ഷത വഹിച്ചു. വോളിബാൾ അസോസിയേഷൻ സംസ്ഥാന കൗൺസിൽ അംഗം കെ.ആർ. സാംബശിവൻ, മുൻ ഗ്രാമപഞ്ചായത്ത് പ്രസിഡൻറ് കെ.വി. അശോകൻ, ബ്ലോക്ക് പഞ്ചായത്തംഗം എൻ.ആർ. ഗണേശ്, ഗ്രാമ പഞ്ചായത്തംഗങ്ങളായ ഇർഷാദ് കെ.ചേറ്റുവ, സിന്ധു സന്തോഷ്, പി.വി.സുരേഷ് എന്നിവർ സംസാരിച്ചു. ഇന്ത്യൻ വോളിബാൾ പരിശീലകൻ പി. ശിവകുമാർ ക്ലാസെടുത്തു.പഞ്ചായത്ത് വാർഷിക പദ്ധതിയിൽ ഒരു ലക്ഷം രൂപ െചലവഴിച്ചാണ് ആദ്യഘട്ട വോളിഗ്രാമം പദ്ധതി നടപ്പാക്കുന്നത്. ഇതിെൻറ ഭാഗമായി 16 വാർഡുകളെ കേന്ദ്രീകരിച്ച് നേതൃത്വത്തിൽ പരിശീലന ക്യാമ്പുകൾ സംഘടിപ്പിച്ച് വാർഡ്തല ടീമുകളുണ്ടാക്കും. വാർഡ് ടീമുകളിലെ മികച്ച കളിക്കാരെ കണ്ടെത്തി പഞ്ചായത്ത്തല ടീമിനെയും തിരഞ്ഞെടുക്കും. ജില്ല സ്പോർട്സ് കൗൺസിലിെൻറ സഹകരണത്തോടെയാണ് പദ്ധതി നടപ്പാക്കുന്നത്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.