തൃശൂർ: കേരള ലളിതകല അക്കാദമിയുടെ സംസ്ഥാന ഫോട്ടോഗ്രഫി -കാര്ട്ടൂണ് പ്രദര്ശനം കോഴിക്കോട് ആര്ട്ട് ഗാലറിയില് നടക്കും. ജൂലൈ 10ന് വൈകീട്ട് 4.30ന് എഴുത്തുകാരന് വി.എസ്. അനില്കുമാര് പ്രദര്ശനം ഉദ്ഘാടനം ചെയ്യും. 91 ഫോട്ടോഗ്രാഫുകളും, 26 കാര്ട്ടൂണുകളുമാണ് പ്രദര്ശനത്തിന് തെരഞ്ഞെടുത്തത്. 2016-17 വര്ഷത്തെ ഫോട്ടോഗ്രഫി സംസ്ഥാന പുരസ്കാരം തൃശൂര് ജില്ലക്കാരനായ അജി ഗ്രേസിെൻറ 'സമര്പ്പണം' ചിത്രത്തിനായിരുന്നു. ഫോട്ടോഗ്രഫി ഹോണറബിള് പുരസ്കാരം വയനാട് സ്വദേശിയായ മധു എടച്ചന, ആലപ്പുഴ സ്വദേശിയായ ഷാജി ചേര്ത്തല എന്നിവര്ക്കാണ് ലഭിച്ചത്. 2016-17 ലെ കാര്ട്ടൂണ് സംസ്ഥാന പുരസ്കാരം സിറാജ് ദിനപത്രത്തിലെ സ്റ്റാഫ് സബ് എഡിറ്റര് കം കാര്ട്ടൂണിസ്റ്റായ കെ.ടി. അബ്ദുല് അനീസിനാണ്. കാര്ട്ടൂണ് ഹോണറബിള് മെന്ഷന് പുരസ്കാരം തിരുവനന്തപുരം സ്വദേശി രഞ്ജിത്തിനും തൃശൂര് സ്വദേശിയായ ദിന്രാജിനുമാണ്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.