മറ്റത്തൂര്: ലോകകപ്പ് മത്സരങ്ങളുടെ മാതൃകയില് മറ്റത്തൂര് ശ്രീകൃഷ്ണ ഹൈസ്കൂളില് സംഘടിപ്പിച്ച ഫുട്ബാള് ഫെസ്റ്റ് വിദ്യാർഥികള്ക്ക് ആവേശമായി. ബ്രസീല്, അര്ജൻറീന, ഫ്രാന്സ്, സ്പെയിന് എന്നീ ടീമുകളുടെ ജഴ്സിയണിഞ്ഞാണ് വിദ്യാർഥികള് കളിക്കളത്തിലിറങ്ങിയത്. അര്ജൻറീന ഫാന്സും ബ്രസീല് ഫാന്സും തമ്മില് നടന്ന ഫൈനല്മത്സരം കാണാന് നിരവധി ഫുട്ബാള് പ്രേമികള് എത്തി. നാലിനെതിരെ അഞ്ചുഗോളുകള്ക്ക് ബ്രസീലിനെ പരാജയപ്പെടുത്തി അര്ജൻറീന ഫാന്സ് കപ്പുയര്ത്തി. വെള്ളിക്കുളങ്ങര എസ്.ഐ എസ്.എല്. സുധീഷ് മത്സരങ്ങള് ഉദ്ഘാടനം ചെയ്തു. പി.ടി.എ പ്രസിഡൻറ് സി.യു. പ്രിയന് അധ്യക്ഷത വഹിച്ചു. സ്റ്റാഫ് സെക്രട്ടറി പ്രവീണ് എം. കുമാര്, രാജ്കുമാര് രഘുനാഥ്, പി.ഡി. ഷോളി, ബിജു വര്ഗീസ്, ജംഷീര് എന്നിവര് സംസാരിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.