കേച്ചേരി: ആംബുലൻസിന് പൈലറ്റ് പോയ പൊലീസ് ജീപ്പിടിച്ച് സ്കൂട്ടറിൽ സഞ്ചരിച്ച വയോധികന് പരിക്ക്. ചൂണ്ടൽ വെട്ടുകാട് രായ്മരക്കാർ വീട്ടിൽ മൂസക്കുട്ടിക്കാണ് (71) പരിക്കേറ്റത്. ഇയാളെ അമല ആശുപത്രിയിൽ പ്രവേശിപ്പിച്ചു. ശനിയാഴ്ച വൈകീട്ട് അഞ്ചോടെ കേേച്ചരി തൂവാന്നൂർ സെൻററിലായിരുന്നു അപകടം. അടിയന്തര ശസ്ത്രക്രിയക്ക് എറണാകുളത്തെ ആശുപത്രിയിലേക്ക് പോയ ആംബുലൻസിന് പൈലറ്റ് പോയതായിരുന്നു പൊലീസ് വാഹനം. ഒറ്റപ്പിലാവിൽ നിന്നാണ് ആംബുലൻസിന് മുന്നിൽ പൊലീസ് വാഹനം പോയിരുന്നത്. ഇതിനിടെ വെട്ടുകാട് റോഡിൽ നിന്ന് സംസ്ഥാന പാതയിലേക്ക് കയറിയ സ്കൂട്ടറിൽ നിയന്ത്രണം വിട്ട ജീപ്പ് ഇടിക്കുകയായിരുന്നു. അതേ ജീപ്പിൽ ഇയാളെ ആശുപത്രിയിൽ എത്തിച്ചു. അപകടത്തെത്തുടർന്ന് ഈ റൂട്ടിൽ ഗതാഗതം അൽപസമയം തടസ്സപ്പെട്ടു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.