തൃശൂർ: 'സാറേ... ഈ മാറ്റൊന്ന് മാറ്റാമോ...' ഹൈസ്കൂൾ, ഹയർ സെക്കൻഡറി കുച്ചിപ്പുടി മത്സരം നടന്ന ഹോളി ഫാമിലിയിൽ ഞായറാഴ്ച രാവിലെ മുതൽ ഉയർന്നുകേട്ട പരാതിയാണിത്. സ്റ്റേജിൽ വിരിച്ച പരവതാനിയാണ് പ്രശ്നക്കാരൻ. മത്സരാർഥികൾക്ക് സൗകര്യപ്രദമെന്നുകരുതി വിരിച്ച പരവതാനി അക്ഷരാർഥത്തിൽ ബുദ്ധിമുട്ടിച്ചു. കൃത്യമായി വശങ്ങളിൽ ബന്ധിപ്പിച്ചിട്ടില്ലാത്തതിനാൽ മത്സരം ആരംഭിക്കുമ്പോഴേക്കും ചുരുണ്ടുകൂടും. കൃത്യമായ ചുവടുകൾവെക്കാൻ കഴിയാതെ ഇത് മത്സരാർഥികളെ ദോഷകരമായി ബാധിച്ചു. ഇത്രയും കഷ്ടപ്പെട്ട് വന്ന ഞങ്ങളോടീ ചതി ചെയ്യരുതെന്നുവരെ ഒരു കുട്ടി പറഞ്ഞു. എന്നാൽ, നിരവധിപേർ മത്സരിച്ചതിനാൽ മറ്റുള്ളവർക്കുവേണ്ടി 'മാറ്റ്' മാറ്റാൻ കഴിയില്ലെന്ന് സംഘാടകരും നിലപാടെടുത്തു. നിരവധി മാതാപിതാക്കളും അധ്യാപകരും ഇതേ പരാതിയുമായി രംഗത്തെത്തി. -ഷംനാസ് കാലായി --
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.