പുത്തൻചിറ: കരിങ്ങോൾ ചിറ പാലത്തോടനുബന്ധിച്ച അപ്രോച്ച് റോഡിന് ഏറ്റെടുക്കുന്ന ഭൂമിക്ക് പകരമായി മാർക്കറ്റ് വില നൽകാൻ പുത്തൻചിറ പഞ്ചായത്ത് നടപടിയെടുക്കും. അടുത്ത ബുധനാഴ്ച നടക്കുന്ന പഞ്ചായത്ത് ഭരണസമിതി യോഗത്തിൽ തുക കണ്ടെത്തുന്നതിന് ചർച്ച നടത്താനും തീരുമാനിച്ചു. പാലം നിർമാണത്തിനായി കലക്ടറുടെ നിർദേശം ചർച്ച ചെയ്യാൻ ചേർന്ന നിർണായക സർവകക്ഷി യോഗത്തിലാണ് പഞ്ചായത്ത് തീരുമാനം അറിയിച്ചത്. ജില്ല കലക്ടറുടെ നിർദേശപ്രകാരം കരിങ്ങോൾചിറ പള്ളിയുടെ അപ്രോച്ച് റോഡിന് വില നൽകി പൊതുമരാമത്ത് വകുപ്പിന് കൈമാറും. എട്ടുവർഷമായി പാലം നിർമാണം ഇഴയുകയാണ്. ഭൂമിയുടെ കാര്യത്തിൽ തീരുമാനമാകുന്നതോടെ നിർമാണം പുനരാരംഭിക്കാനാകും. പുത്തൻചിറ ഗ്രാമപഞ്ചായത്ത് പ്രസിഡൻറ് വി.എ. നദീർ അധ്യക്ഷത വഹിച്ചു. പഞ്ചായത്ത് വൈസ് പ്രസിഡൻറ് ബീന സുധാകരൻ, പഞ്ചായത്ത് സെക്രട്ടറി സി.എം. പ്രേമാനന്ദ്, സ്ഥിരം സമിതി അധ്യക്ഷൻ പി.ഐ. നിസാർ, ബ്ലോക്ക് പഞ്ചായത്ത് അംഗം ടി.കെ. ഉണ്ണികൃഷ്ണൻ, ടി.എൻ. വേണു, ടി.കെ. സന്തോഷ്, റിഫായ അക്തർ, ഷൈല പ്രകാശൻ, ഐ.എസ്. മനോജ്, മഹേഷ് മോഹനൻ, സംഗീത അനീഷ്, വാസന്തി സുബ്രഹ്മണ്യൻ, എം.കെ. കാഞ്ചന, വിവിധ പാർട്ടി പ്രതിനിധികൾ, ജനകീയ സമരസമിതി ഭാരവാഹികൾ എന്നിവർ സംസാരിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.