തൃപ്രയാർ: പൊലീസിനെ ഉപയോഗിച്ച് ജനങ്ങളെ ഭീഷണിപ്പെടുത്തി ദേശീയപാതക്കായി സ്ഥലം അളന്നെടുക്കുന്നത് നിർത്തി വെക്കണമെന്ന് നാട്ടിക മേഖല ആർ.എം.പി.ഐ യോഗം ആവശ്യപ്പെട്ടു. സ്ഥലമുടമകൾ നൽകിയ പരാതികളിൽ നടത്തിയ ഹിയറിങ് തട്ടിപ്പായിരുന്നുവെന്നാണ് ഇപ്പോഴത്തെ സ്ഥലമെടുപ്പ് തെളിയിക്കുന്നത്. ബി.ഒ.ടി പാതക്കെതിരെ മിണ്ടാതെ മുൻ അലൈമെൻറുകൾക്ക് ഒപ്പിട്ടു നൽകി ജനവഞ്ചന നടത്തിയ എൽ.ഡി.എഫ് നേതൃത്വം നൽകുന്ന പഞ്ചായത്തുകളാണ് പുതിയ പ്രമേയങ്ങളുമായി വന്നിരിക്കുന്നതെന്നും യോഗം ആരോപിച്ചു. ഇ.വി. ദിനേശ്കുമാർ അധ്യക്ഷത വഹിച്ചു. സംസ്ഥാന പ്രസിഡൻറ് ടി.എൽ. സന്തോഷ്, കെ.എസ്. ബിനോജ്, കെ.ജി. സുരേന്ദ്രൻ, രഞ്ജിത്ത് വാലത്ത് എന്നിവർ സംസാരിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.