മാള: കെ.എസ്.ആർ.ടി.സി ബസിനടിയിലേക്ക് ഇരുചക്രവാഹനം പാഞ്ഞുകയറി രണ്ടുപേർക്ക് പരിക്കേറ്റു. ഇരിങ്ങാലക്കുട സ്വദേശികളായ മാരാത്ത് ബാലകൃഷ്ണൻ (27) പുത്തൻവീട്ടിൽ ദിലീപ് (36) എന്നിവർക്കാണ് പരിക്കേറ്റത്. ഇവരെ കുഴിക്കാട്ടുശേരിയിലെ സ്വകാര്യ ആശുപത്രിയിലും തുടർന്ന് ഇരിങ്ങാലക്കുട സർക്കാർ ആശുപത്രിയിലേക്കും മാറ്റി. ചൊവ്വാഴ്ച രാവിലെ ഒമ്പതിനാണ് സംഭവം. തൃശൂരിൽ നിന്നു മാളയിലേക്ക് സർവിസ് നടത്തുന്ന ബസ് കോൾകുന്ന് സ്റ്റോപ്പിൽ ആളെ ഇറക്കുന്നതിനിടെ ഇരിങ്ങാലക്കുടയിൽ നിന്നും അഷ്ടമിച്ചിറ ഭാഗത്തേക്ക് വരികയായിരുന്ന കെ.എൽ-45 എച്ച് 3059 ബൈക്ക് നിയന്ത്രണം തെറ്റി ബസിനടിയിലേക്ക് കയറി. നാട്ടുകാരാണ് രക്ഷാപ്രവർത്തനം നടത്തിയത്. ഡിപ്പോയിൽ നിന്നും ക്രെയിൻ കൊണ്ടുവന്ന് ബസ് ഉയർത്തിയാണ് ബൈക്ക് പുറത്തെടുത്തത്. ഫോട്ടോ . മാള കോൾകുന്നിൽ കെ.എസ്.ആർ.ടി.സി ബസിനടിയിലേക്ക് ഇരുചക്രവാഹനം പാഞ്ഞുകയറിയ നിലയിൽ
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.